1993 നവംബർ മുതൽ സുവിശേഷകൻ മാസികയുടെ നടത്തിപ്പിനായി തന്റെ മൂത്തമകനായ സഹോദരൻ ജെയിംസ് ചെറിയാൻ മുന്നോട്ടു വന്നു. അനേക ദൈവജനത്തിന്റെ പ്രാർത്ഥനയും സഹകരണവും മുഖാന്തരമായി സുവിശേഷകൻ മാസികയുടെ പ്രവർത്തനം ഇന്ന് വരെയും തുടർന്ന് കൊണ്ടു പോകുവാൻ വലിയവനായ ദൈവം  സഹായിച്ചതോർത്ത്‌ കർത്താവിനു സകല മഹത്വവും കരേറ്റുന്നു .

2022 ഒക്ടോ.3 ന് ജെയിംസ് ചെറിയാൻ കർത്തൃ സന്നിധിയിൽ ചേർക്കപ്പെട്ടശേഷം
തൊട്ടടുത്ത മാസം മുതൽ തന്നെ തന്റെ ഏക മകനായ വിജു ചെറിയാൻ മാസികയുടെ പ്രവർത്തനം ഏറ്റെടുത്തു നടത്തി തുടങ്ങി. മാസികയുടെ രജിസ്ട്രേഷൻ ഇതുവരെയും പുതുക്കി ലഭിച്ചിട്ടില്ലാത്തതിനാൽ രണ്ടുമാസത്തിലൊരിക്കൽ സുവിശേഷകൻ മാസിക മധുരയിലെ സുവിശേഷകൻ പ്രസ്സിൽ നിന്നും പ്രസിദ്ധീകരിച്ചു കൊണ്ടിരിക്കുന്നു. പ്രിയ പിതാവിന്റെ ആഗ്രഹം പോലെ, കർത്താവ് വരുവോളം ഈ ശുശ്രൂഷ തുടരുവാൻ എല്ലാ ദൈവജനത്തിന്റെയും പ്രാർത്ഥന അഭ്യർത്ഥിക്കുന്നു.